ПЛАЖИТЕ НА ПИЕРИА:
Skotina
Во близина на плажата, само неколку километри е оддалечено старото традиционално село Ано Скотина со црква од 14 век и камени куќи од 17 и 18 век. Плажата е пространа, покриена е со златен песок и за беспрекорна вода неколку пати е доделена сино знаме. Делумно е организирана, на некои места има лежалки и чадори, а има и природна сенка. Исто така постои и меѓународен центар за млади и најголемиот камп на Балканот, така што во текот на летото се организираат музички и културните настани. Плажата е долга и широка, така што може да прими голем број посетители и лесно е достапна.
Pydna
Ова е прекрасна, долга и широка плажа покриена со златен жолт песок. Има добиено сино знаме за исклучително чисто море. Организирана е со лежалки и чадори каде што можат да се изнајмат, а има и природни сенки. Исто така постои и бар со освежителни пијалоци и лесна грчка музика. Поради широчината, плажата е добра и за спортови на песок. Во близина на плажата се наоѓаат остатоците од византиските утврдувања кои сè уште чекаат да бидат истражени. Лесно е достапен и идеален за семејства со деца и секој што не сака премногу гужва.
Litochoro
Прекрасна плажа комбинација со камчиња и златен песок, се наоѓа во подножјето на Олимп и е многу лесно достапна. Добро организирана, со кафулиња и таверни, каде можат да се изнајмуваат лежалки и чадори. Во близина на оваа плажа има хотели, кампови, како и рибни ресторани кои нудат свежа риба.
Alikes Kitros
Плажата е песочна, долга, широка, пространа и никогаш не преполна. Специфично за оваа плажа е лековитата кал. Покрај лежалки и чадори што можете да ги изнајмите, нема други објекти на оваа плажа. Лесно е достапна и се препорачува за љубителите на природата и тишината.
Gritsa
Оваа плажа се наоѓа во подножјето на планината Олимп,покриена со камчиња, а морето е кристално чисто. На плажа има лежалки и чадори за сонце кои можат да се изнајмат. Долга е околу 2 км, иако има потесни делови со малку природна сенка. Плажата гарантира релаксиран и мирен престој. Исто така, постои марина за мали чамци и неколку луксузни хотели во близина.
Kalivia Varikou
Оваа плажа е долга 3 км, широка, покриена со песок и камчиња. Морето е топло и плитко, па затоа е идеална за семејства со мали деца. Плажата не е организирана, нема содржини, па затоа е потребно да донесете сè што ви треба за да останете на неа. Лесно е достапна и е идеална за целодневно уживање.
Korinos
Оваа плажа е долга неколку километри, песочна, со многу плитко и кристални чисто море, па затоа е идеална за семејства со деца. Покрај самата плажа има барови каде што можат да се изнајмат лежалки и чадори за сонце, и лесно е достапна.
Leptokaria
Оваа плажа е долга и широка и е комбинација на песок и камчиња, со топло и чисто море. Влезот во вода е со нормалена длабочина, па за тоа плажа е добро за децата, не-пливачи, но исто така и за пливачи. Организирана е, има многу барови, таверни, делови со тушеви, лежалки и чадори, но и такви каде што нема никој за секој што сака малку мир. Иако ова одморалиште е многу популарно, плажата не е преполна, бидејќи е многу пространа. Погледот на божествениот Олимп, шеталиштето покрај плажата и паркот го прави овој амбиент попривлечен. Во близина има многу хотели и вили, ресторани, маркети, кафулиња, дискотеки, како и пешачка зона.
Makrigialos
Овој мал крајбрежен град се наоѓа на северот од регионот Пиерија. Плажата е песочна, тесна и долга, а по целата плажа има лежалки и чадори што можат да се изнајмат. Морето е многу чисто. Во внатрешноста на плажата има таверни, барови и одлични ресторани за риби. Плажата е тивка, како и самото место, па затоа се препорачува на сите што сакаат да се релаксираат без премногу гужва и врева. На самиот северен крај на плажата, има еден мал скриен песочен залив Agios Giannis, неорганизиран, особено привлечен за оние кои сакаат да бидат сами и уживаат целосен мир. Плажата Макригиалос е лесно достапна, бидејќи се наоѓа веднаш под главниот пат.
Nei Pori
Самото место е специфично, со широки улици, големи плоштади и детски игралишта лоцирани во близина на плажа. Плажата е многу пространа, широк околу 100 метри и долга околу 6 км. Покриено е со убав фин песок, организирано со кафулиња, барови и таверни, лежалки и чадори што можат да се изнајмат, но и тивки делови. Морето е чисто, многу плитко, па затоа е идеално за деца, но и за спортови на вода и на плажа. Во близина на плажата има вили, хотели, продавници, маркети, ресторани, како и шеталиште идеално за љубителите на долги прошетки. Плажата и местото се многу лесно достапни, се препорачуваат за љубителите на мирен одмор.
Olympic Beach
Олимписката плажа е многу долга, песочна, морето е топло и чисто, а децата тоа најмногу го сакаат заради убавиот песок и долгите плитки. Добро е организиран, има лежалки и чадори, барови, тушеви и кафулиња. Исто така, има детски парк и нуди забава за љубителите на спортови на вода и песок. Во близина на плажата има пешачка зона со разни продавници, маркети, ресторани, бутици, хотели и приватни вили. Ова место нема толку богат ноќен живот, но заради близината на Паралија, тука има и многу млади луѓе, иако плажата е идеална за семејства. Лесно е достапна, од Паралија може да се стигне со локален автобус, автомобил или прошетка по плажа.
Paralia
Оваа космополитска плажа е долга неколку километри, со фин песок на брегот и во водата и многу топло и чисто море. Плажата е многу добро организирана, и покрај неа има многу барови, ресторани, таверни, маркети, продавници за сувенири, облека, обувки, кожа и крзно, накит, голем број на различни вили и хотели за сместување… Оваа плажа ќе ги исполни очекувањата на сите: заради многу плитко море и разни паркови и игри, се препорачува за семејства со деца; поради бројните барови и богатиот ноќен живот е идеално за младите кои сакаат да се забавуваат; одлично е за паровите кои сакаат да шетаат по долгата плажа, како и за гурманите, љубителите на шопинг… Не е само за оние кои бараат мир и тишина и не сакаат гужва, бидејќи оваа плажа е секогаш жива, особено во нејзиниот централен дел. Во јужниот дел на плажата, кога се упатувате кон олимписката плажа, има марина за помали чамци.
ИНТЕРЕСНИ МЕСТА ЗА ПОСЕТА ВО БЛИЗИНА НА ПИЕРИА:
ПОСЕТА НА СОЛУН
Посета на еден од најстарите градови во Европа. Солун е спој на многу историски знаменитости и современ шопинг центар. Кога би го посетиле Солун не заборавајте да ги видите: Белата Кула (симболот на Солун), Археолошкиот музеј, Универзитетската област и неколкуте централни цркви како: Св. Софија, Св. Димитрија и др. Воедно не заборавајте да ги посетите и добро познатите шопинг центри каде дефинитивно би го нашле она што ќе го замислите. А, по големиот шопинг Ви предлагаме да испиете едно добро кафе во некоја од кафетериите покрај Егејското Море.
КРСТАРЕЊЕ ДО ОСТОРОВОТ СКИЈАТОС
Одете на незаборавно крстарење до островот Skiathos, каде што ќе се вратите среќни. Skiathos е мал живописен остров на 50 км2 кој наоѓа во Егејското Море. Постојат повеќе од 60 песочни плажи, вклучувајќи ја и најубавата и најпосетена плажа Koukounaries (што значи шишарка) или позната како златна плажа поради кристалниот песок и прекрасната сина боја на морето, која е дел од 40 километарското крајбрежје. Внатрешноста на плажата е Национален парк со борова шума. Посета на монденскиот Skiathos Town, кој е главен град на островот. Секој кој бил еднаш да го посети островот ќе сака повторно да се врати.
WATERLAND
Поминете еден незаборавен ден во еден од најголемите водни паркови во Грција. Паркот нуди 6 различни програми. Можете да уживате во разновидните тобогани, лизгалки и скокалници. Ова е парк за сите, каде за безбедноста се грижат луѓе ангажирани специјално да внимаваат на Вашите чекори. Избегајте од секојдневието и уживајте во лудиот и незаборавен Waterland!
ГРЧКА ВЕЧЕР
Релаксирајте се во типична традиционална грчка таверна каде узото и грчката салата се на главно мени. Не заборавајте да нарачате свежа морска храна, прекрасно зготвени специјалитети како и традиционалното грчко вино - Рецина. За време на вечерата ќе Ве забавуваат свирачи и танчери на кои слободно ќе може да им се придружите и Вие.
МЕТЕОРИ
Целодневна посета на еден од шесте средновековни манастири изградени на високите камени карпи. Манастирската населба Метеори е сместена на огромни и стрмни карпи кои нагло се издигнуваат на северозападниот раб на Тесалија. Метеорите се карактеризираат со специфичен пејзаж, ретко виден во останатите делови од светот, кој кај секој посетител предизвикува мешавина од стравопочит и восхит. Тоа било единственото место каде монасите се чувствувале безбедни, каде можеле да ги подигнат своите светилиштата, а притоа да ги заштитат од најразличните грабливци, крадци и други злосторници и да уживаат во својата сигурност. Со текот на годините тие створиле една вистинска монашка населба, составена од повеќе манастири, потпомогнати со многу подароци, донации и привилегии од многуте побожни аристократи и владетели. Последица на тоа се многуте свештеници, кои всушност се јавуваат како основоположници на оваа необична населба, на кои на поголемиот дел не им се познати имињата, а меѓу нив се споменуваат Св.Стефан, Сретење, Русана, Св. Ѓорѓе Мандилски, Св. Никола Анапавсис, Св. Григориј... Денес само шест манастири сеуште функционираат: најголемиот, подигнат во 14.век Свето Преображение чија зграда служи како главен музеј за многуборјните тирусти, Варлам, вториот по големина манастир во овој комплекс изграден 1541г., Св. Никола Анапавсис, мала црква изградена во 16.век, Русана или Св. Варвара, подигната во средината на 16.век, Св. Стефан, изграден во 16.век, кој за време на 2. Светска војна бил разрушен од Нацистите под сомнение дека претставувал засолниште на борците против Окупаторот. Подоцна бил возобновен од монахињите и Света Тројца, кој се наоѓа на врвот на карпите, изграден во 1475г., а познат е и по тоа што 1981г. овде се снимани кадри од филмот “For Your Eyes Only” од серијалот Џејмс Бонд.
ДИОН
Дион е најгoлемиот антички локалитет под Олимп, кој е познат по археолошкиот музеј и археолошките наоѓалишта со остатоци од три цивилизации. Местото го носи името Дион во чест на богот Зевс (на грчки Диас) и бил голем верски центар , место каде се обожувале грчките богови. Дион е местото каде Филип Втори доаѓал да ги прославува своите победи, а Александар Maкедонски доаѓал да принесе жртва подготвувајќи се за своите големи походи на исток.
ОЛИМП И ЛИТОХОРО
Планината Олимп е највисоката планина во Грција, нејзината највисока точка изнесува 2.917 метри. На падините под Олимп се наоѓа планинското гратче Литохоро најголемо во овој регион со богата историја. Дознајте зошто боговите од грчката митологија ја одбрале токму планината Олимп за нивно престојува-лиште.