Златибор - туристички центар во срцето на Србија

Дали поради благотворната клима, преубавата природа, големиот број туристички атракции или поради надалеку прочуените златиборски специјалитети, Златибор е една од омилените дестинации на вљубениците во планината – во сите годишни времиња. Сепак, зимување на Златибор е нешто посебно.
Сместен во срцето на Србија, над Ужице, на висина од 1.000 метри, Златибор има повеќе од 2.000 сончеви часови годишно и во просек 95 снежни денови. Снежната покривка достигнува просечна дебелина од 60 сантиметри. Овој познат туристички центар има стогодишна традиција, а името го добил по златните борови кои се природна реткост што е заштитена. Целокупната клима е рај за лица со респираторни болести, за оние што страдаат од алергии и воопшто во целост позитивно дејствува врз човековиот организам, поради што е познат како воздушна бања.
 
Златибор е идеален избор за семејно зимување и за да ги направат вашите деца првите чекори на скии. Овој зимски центар им е омилен на врвните спортисти, кои честопати доаѓаат тука на подготовки. Покрај природните терени, изградени се и повеќе современи спортски објекти – голема спортска сала, фудбалски терени, игралишта за тенис, затворен и отворен базен.
Урбаниот центар на Златибор претставува вистинско место за возбудлив ноќен живот иако и преку ден на располагање се голем број кафулиња, ресторани и други угостителски објекти.
Највисоките врвови на Златибор се Торник - 1496 метри и Чигота – 1422 метри. Ски-центарот Торник е опремен со шестоседна жичарница со капацитет од 3.000 скијачи на час, со два ски-лифта со вкупен капацитет од 2.400 скијачи на час. Четирите патеки – Чигота, Торник, Рибница и Змајевац се покриени со систем за вештачко оснежување, така што овој ски-центар не зависи од временските услови.

Во Торник се наоѓа и посебен вид инсталација, т.н. tubing односно лизгање на гума, кое како и самата жичарница може да се користи во текот на целата година, а претставува особено задоволство за секој што ќе реши да го проба.

Каде да се сместите?
Во нашата понуда имаме неколку хотели кои ќе ви овозможат зимување по ваша мерка.
 

MONA 4*

Хотел Мона се наоѓа во срцето на Златибор, така што неговата поставеност е во близина на сите туристички содржини. Хотелот располага со 120 соби и апартмани. Во секоја соба има ТВ со кабловска телевизија, сеф, мини-бар, фен, телефон, телефон и интернет-конекција. Во хотелот има можност гостите бесплатно да користат базен, теретана, сауна, парна бања и соба за релаксација. Сите соби во хотелот Златибор Мона се климатизирани. Покрај овие погодности може да се користат и третмани на лице и тело и масажа кои дополнително се плаќаат.

PALISAD 4*
Хотел Палисад се наоѓа во центарот на Златибор во убав дел недалеку од Езерото, опкружен со прекрасна борова шума. Овој модерен хотелски комплекс ви нуди одлична услуга, квалитетна храна, како и голем број содржини за одмор и релаксација. Хотелот располага со 257 соби и 54 апартмани. Прекрасниот ресторан со одлична национална кујна како и монденски уредениот аперитив бар ке го зголемат вашето уживање.

MIR 4*
Сместен е во мирниот дел на Златибор и располага со 19 двокреветни соби и 6 луксузни апартмани. Може да уживате во хотелскиот ресторан, бар, кафе-тераса, wellness центар со џакузи, сауна и фитнес, игротека за деца. На располагање е и конгресна сала, како и паркинг. Собите, пак, се опремени со мини-бар, телефон, сеф, бесплатен wirreles интернет, LCD ТВ, фен, баде-мантил и папучи.
 
HOTEL ALIBI 4*
Хотелот е сместен на главното шеталиште во Златибор на 8 км од жичарницата Торник. Хотелските соби се комплетно опремени со flat Screen TV со кабловска, кујна и трпезарија. На располагање има сопствен тоалет. Појадокот е на база на шведска маса.

HOTEL IRIS 4*
Хотел Ирис се наоѓа на 8 км од центарот на Златибор. Гостите можат безплатно да уживаат во хотелскиот базен, спа-центар и сауна. На располагање го имате и хотелскиот ресторан, бар и бесплатен паркинг. Сите хотелски соби се комплет опремени со ТВ. Хотелските соби се со поглед на планина или, пак, со поглед на градина. Гостите на располагање имаат и остава за ски-опремата.

OLIMP 4*
Се наоѓа на 5 минути пешачење од центарот на Златибор. Во својата понуда има 2 отворени базени. Во склоп на хотелот има и затворен базен и спа-центар. Сите соби и апартмани на хотелот имаат приватен балкон. Сите хотелски слоби се комплетно опремени и содржат ТВ и мини бар. Секоја од собите располага и со сопствен тоалет. Самиот хотел има и лоби-бар каде што гостите можат да уживаат покрај камин.  Во хотелскиот ресторан гостите можат да уживаат во традиционална и интернационална кујна. Хотелот располага и со фитнес-центар, спа-центар и сауна.

Каде да прошетате?
На Златибор има навистина многу нешта да се видат и да се направат. Златиборското Езеро со својата убавина е еден од синонимите на овој туристички центар. Над езерото се наоѓа Кралскиот плоштад, пространо плато и шеталиште на кое се случуваат културни манифестации и концерти во текот на целата година. Овде најмладите може да уживаат во возење автомобилчиња или јавање коњи, да ги посетат парковите Авантура и Дино, да пробаат tubing или zip-line и уште низа други активности.

Доколку сакате да ја истражувате околината, ви ги препорачуваме Стопиќа пештера во Рожанство, Водопадот во Гостиља, Старо село во Сорогојно, Рибничкото Езеро и Прераст во Доброселица.

Галерија